काठमाडौं । नाइजेरियाका राष्ट्रपतिकी पत्नीले बेलायती शाही परिवारकी प्रसिद्ध बुहारी मेगन मर्केलको पहिरनमा कडा प्रतिक्रिया दिएकी छन्। हालै अमेरिकी स्टार पति प्रिन्स ह्यारीसँग नाइजेरियाको भ्रमणमा गएकी थिइन् ।

त्यहाँबाट फर्केको केही दिनपछि राष्ट्रपतिकी श्रीमतीले उनको पहिरनको आलोचना गरिन् । साथै आफ्नो देशका महिलाहरूलाई “नग्नता स्वीकार नगर्न” अपील गरिन् ।

राजकुमार ह्यारी र मेगन मर्केलले मे १० मा उच्च पदस्थ अधिकारी, चीफ अफ डिफेन्स स्टाफको निमन्त्रणामा नाइजेरियाको भ्रमण गरे। आफ्नो भ्रमणमा उनले आफू ४३ प्रतिशत नाइजेरियन भएको दाबी गरिन् ।

यस अवधिमा, उनले प्रिन्ट गरिएको हल्टर-नेक ड्रेस, ब्याकलेस पीच ड्रेस, सेतो स्ट्र्यापलेस ड्रेस र रफल हेम भएको रातो स्ट्र्यापी ड्रेस सहित धेरै लुगाहरू परिवर्तन गरिन्।

नाइजेरियाका राष्ट्रपति बोला टिनुबुकी पत्नी ओलुरेमी टिनुबुलाई मेघनको पोशाक मन परेन। कडा चेतावनीमा, उनले नाइजेरियाली महिलाहरूलाई भनिन् ‘अमेरिकी सेलिब्रेटीहरूको प्रशंसा गर्ने प्रयासमा आफूलाई गुमाउनु हुँदैन।’

उनले महिला र केटीहरूलाई “अधिक विनम्र लुगा लगाउन” र अमेरिकी सेलिब्रेटीहरूको “थोरै लुगा लगाउने व्यवहार अस्वीकार” गर्न आग्रह गरिन् । उनले भनिन्, “उनीहरूलाई (अमेरिकी सेलिब्रेटीहरूलाई) भन्नुहोस् कि हामी हाम्रो संस्कृतिमा नग्नता स्वीकार गर्दैनौं। यो बिल्कुल ठीक छैन।”