काठमाडौं । गायक हिमाल राईले नयाँ गीत ‘छेकामारी’ सार्वजनिक गरेका छन्।

किरात भाकामा आधारित गीतमा राजन मुकारुङको शब्द र विक्रम राईको संगीत छ। गीतलाई देवेश राईले एरेन्ज गरेका हुन्।

प्रेमिकाको वर्णन गरिएको गीतको भिडियोमा दिलेन्द्र मुकारुङ, ईशा आङदेम्बे, मोहन मगर, टीकाबहादुर मगर, राज खिम्दिङ लिम्बू र सविन शंकरको अभिनय छ। गीतलाई ‘हिमाल राई अफिसियल’ युट्युब च्यानलबाट सार्वजनिक गरिएको छ।

‘छेकामारी’ भिडियोलाई जीवन मुकारुङले छायांकन तथा सम्पादन गरेका हुन्।