काठमाडौं । ब्राजिलका पूर्व राष्ट्रपति जायर बोल्सोनारोलाई सैन्य विद्रोहको षड्यन्त्र रचेको आरोपमा दोषी ठहरिएपछि २७ वर्ष तीन महिनाको जेल सजाय सुनाइएको छ।

सर्वोच्च अदालतका पाँच न्यायाधीशहरूको एक प्यानलले उनलाई दोषी ठहराएको केही घण्टापछि नै यो सजाय सुनाइएको हो।

अदालतले २०२२ को चुनावमा वामपन्थी प्रतिद्वन्द्वी लुइज इनासियो लुला दा सिल्भासँग हारेपछि बोल्सोनारोले सत्तामा रहिरहन षड्यन्त्रको नेतृत्व गरेको बताएको छ।

पाँच मध्ये चार न्यायाधीशले उनलाई दोषी ठहर गरे भने एक जनाले निर्दोष ठहराउने पक्षमा मतदान गरे।

बोल्सोनारोका वकिलहरूले उक्त सजायलाई ‘अत्यधिक’ भनेर वर्णन गरेका छन् र निर्णयविरुद्ध अपील गर्ने बताएका छन्।