काठमाडौं । अमेरिकी विदेश मन्त्रालयले शनिबार हमासले गाजामा सर्वसाधारणमाथि ” आक्रमण ” गर्ने योजना बनाइरहेको संकेत गर्ने “विश्वसनीय रिपोर्ट ” प्राप्त भएको चेतावनी दिएको छ।

मन्त्रालयले भनेको छ – यस्तो कुनै पनि कदम युद्धविराम सम्झौताको गम्भीर उल्लङ्घन हुनेछ र “मध्यस्थता मार्फत अहिलेसम्म प्राप्त प्रगतिलाई कमजोर बनाउनेछ।”

यद्यपि, अमेरिकी अधिकारीहरूले यी रिपोर्टहरूको स्रोत वा यससँग सम्बन्धित कुनै थप जानकारी साझा गरेका छैनन्।

अमेरिकाले गाजा शान्ति सम्झौताका अन्य ग्यारेन्टरहरू, अर्थात् इजिप्ट, कतार र टर्कीलाई पहिले नै जानकारी गराइसकेको र हमासलाई युद्धविरामका सर्तहरू पालना गर्न माग गरेको बताएको छ।

“यदि हमासले यो आक्रमण गर्छ भने, गाजाका जनताको सुरक्षा सुनिश्चित गर्न र युद्धविराम कायम राख्न कदम चालिनेछ,” विदेश मन्त्रालयको विज्ञप्तिमा भनिएको छ।

हमासले अहिलेसम्म यस कथनमा कुनै टिप्पणी गरेको छैन।

हाल इजरायल र हमास बीचको युद्धविरामको पहिलो चरण लागू भएको छ। हमासले जीवित बन्धकहरूलाई रिहा गरेको छ भने मृतकहरूको शव इजरायललाई हस्तान्तरण गर्ने प्रक्रिया चलिरहेको छ।