काठमाडौं । रुसी राष्ट्रपति भ्लादिमिर पुटिनले आफ्नो वार्षिक पत्रकार सम्मेलनमा युक्रेनले युद्ध सुरु गरेको आरोप लगाए र युक्रेनले शान्तिपूर्ण रूपमा द्वन्द्व अन्त्य गर्न अस्वीकार गरिरहेको बताए।

बीबीसी रसियाका सम्पादक स्टिभ रोजेनबर्गले भ्लादिमिर पुटिनलाई देशको भविष्यको बारेमा सोध्ने मौका पाए।

उनको प्रश्नको जवाफ दिँदै पुटिनले भने, “यदि तपाईंले हामीलाई सम्मानपूर्वक व्यवहार गर्नुभयो भने, कुनै अपरेशन हुनेछैन। यदि तपाईंले हाम्रो हितको ख्याल राख्नुभयो भने, हामी सधैं तपाईंको सम्मान गर्नेछौं।”

“यदि तपाईंले नेटोको पूर्वतिरको विस्तार जस्तो चाल खेल्नुभएन भने… ‘एक इन्च पनि विस्तार हुनेछैन’ भनेपछि… पश्चिमी देशहरूले ठ्याक्कै त्यही भने। त्यसो भनेपछि, तिनीहरूले हामीलाई धोका दिए। तिनीहरूले हाम्रो सुरक्षा चिन्तालाई पूर्ण रूपमा बेवास्ता गरे। तिनीहरूले हामीलाई धोका दिए।”

“हामीले यो युद्ध सुरु गरेका होइनौं,” प्रसारक एनबीसीको प्रश्नको जवाफमा पुटिनले भने।