काठमाडौं । लिबियाका प्रधानमन्त्रीले टर्कीमा भएको हवाई दुर्घटनामा देशका सेना प्रमुखको मृत्यु भएको बताएका छन्।

मंगलबार साँझ टर्कीको राजधानी अंकाराबाट उडेको फाल्कन ५० विमानमा जनरल मोहम्मद अली अहमद अल-हद्दाद र अन्य चार जना सवार थिए।

सामाजिक सञ्जालमा एक पोस्टमा टर्कीका गृहमन्त्री अली येर्लिकायले भने – व्यापारिक जेटले स्थानीय समय अनुसार २०:५२ मा संकेत गुमायो। यो ४२ मिनेट अगाडि अंकारा विमानस्थलबाट उडेको थियो।

त्रिपोली जाँदै गरेको जेटले सम्पर्क विच्छेद हुनुअघि आपतकालीन अवतरणको लागि अनुरोध गरेको थियो। विमानको भग्नावशेष अंकाराको दक्षिणपश्चिममा फेला परेको थियो। दुर्घटनाको कारण अनुसन्धान भइरहेको छ।