काठमाडौं । उत्तर प्रदेशको लखीमपुर खेरी जिल्लामा ट्रक र म्याजिक भ्यान ठोक्किँदा १० जनाको मृत्यु भएको छ।

लखीमपुर खेरीको डीएम अञ्जनी कुमार सिंहले सोमबार बिहान लखीमपुरबाट बहराइच जाँदै गर्दा दुर्घटना भएको बताए।

उनले भने, “धौरहरा कोतवाली क्षेत्रको भरेहता गाउँ नजिकै बहराइचबाट आउँदै गरेको ट्रकसँग म्याजिक भ्यान ठोक्कियो। दुर्घटनामा १० जनाको मृत्यु भयो।”

जिल्ला मजिस्ट्रेटले मृतकहरूमा तीन महिला रहेको बताए। तीमध्ये छ जना बहराइच जिल्लाका बासिन्दा थिए। बाँकी पीडितहरूको पहिचान भइरहेको छ।

यूपीका मुख्यमन्त्री योगी आदित्यनाथले सामाजिक सञ्जाल प्लेटफर्म एक्समा दुर्घटनाप्रति दुःख व्यक्त गर्दै मृतकका परिवारलाई सहयोग गर्न र घाइतेहरूको उपचारको व्यवस्था गर्न निर्देशन दिएका छन्।