काठमाडौं । चीनले अमेरिकी विमान कम्पनी बोइङबाट २०० वटा विमान खरिद गर्ने सम्झौताको पुष्टि गरेको छ।

गत हप्ता बेइजिङमा अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबीच भएको भेटवार्तापछि चीनले अमेरिकाबाट विमान किन्ने भनिएको थियो।

चीनको वाणिज्य मन्त्रालयले बुधबार भनेको छ क- यस सम्झौता अन्तर्गत अमेरिकाले विमानको इन्जिन पार्टपुर्जा र अन्य आवश्यक कम्पोनेन्टहरूको आपूर्तिको ग्यारेन्टी गर्नेछ।

दुवै देशले गत वर्ष अक्टोबरमा रोक्न सहमत भएको ट्यारिफ युद्धलाई अगाडि बढाउन पनि सहमत भएका छन्।

यसका साथै, दुवै पक्षले कम्तिमा ३० अर्ब डलर बराबरका सामानहरूमा लाग्ने भन्सार शुल्क घटाउने प्रयास गर्नेछन्।

ट्रम्पको चीन भ्रमणको केही दिनपछि सी जिनपिङले रुसी राष्ट्रपति भ्लादिमिर पुटिनसँग वार्ता गरिरहेका बेला यो घोषणा आएको हो।

“हामीले केही उत्कृष्ट व्यापार सम्झौता गरेका छौं, जसमा २०० भन्दा बढी बोइङ विमानको सम्झौता र ७५० वटासम्म विमान खरिद गर्ने वाचा समावेश छ, जुन अहिलेसम्मकै सबैभन्दा ठूलो अर्डर हुन सक्छ,” ट्रम्पले गत शुक्रबार चीनबाट प्रस्थान गरेपछि एयर फोर्स वानमा पत्रकारहरूलाई भने।