काठमाडौं । फिफा विश्वकप २०२६ अन्तर्गत समूह ‘एच’ को खेलमा स्पेनले साउदी अरेबियाविरुद्ध उत्कृष्ट सुरुआत गर्दै पहिलो हाफमै ३–० को बलियो अग्रता बनाएको छ।

एटलान्टा स्टेडियममा जारी खेलमा स्पेनले सुरुदेखि नै आक्रामक प्रदर्शन गरेको हो। खेलको १०औँ मिनेटमा मिकेल ओयार्जाबलको पासमा युवा स्टार लामिन यामालले गोल गर्दै स्पेनलाई अग्रता दिलाएका थिए।

त्यसपछि मिकेल ओयार्जाबल आफैं गोलकर्ताका रूपमा चम्किए। उनले २१औँ र २४औँ मिनेटमा लगातार दुई गोल गर्दै स्पेनको अग्रता ३–० पुर्‍याए।

स्पेनले बल नियन्त्रण, आक्रमण निर्माण र अवसर सिर्जनामा स्पष्ट वर्चस्व कायम राखेको छ भने साउदी अरेबिया दबाबमा देखिएको छ। पहिलो हाफ सकिनुअघि नै तीन गोलको अग्रता बनाएको स्पेन जिततर्फ मजबुत अवस्थामा पुगेको छ।