काठमाडौं। काठमाडौं उपत्यकाको ठूलो तथा ऐतिहासिक सांस्कृतिक उत्सव इन्द्रजात्राको अवसरमा एक्स्ट्रिम इनर्जी ड्रिंक र द लोकलले हनुमानढोका दरबार क्षेत्रमा विशेष सांस्कृतिक कार्यक्रम आयोजना गरेका छन्।

नेपाली मौलिक कला, संस्कृति, परम्परा र समुदायसँगको सम्बन्धलाई प्रवर्द्धन गर्ने उद्देश्यका साथ आयोजना गरिएको उक्त कार्यक्रममा इन्द्रजात्राको ऐतिहासिक एवं सांस्कृतिक महत्त्वलाई उजागर गरिएको थियो। साथै, युवापुस्तालाई आफ्नो मौलिक संस्कृति र परम्परासँग जोडिन प्रेरित गर्ने प्रयास गरिएको आयोजकले जनाएको छ।

इन्द्रजात्राको जीवन्त वातावरण, सांस्कृतिक विविधता र ऐतिहासिक गरिमालाई थप ऊर्जा प्रदान गर्न विभिन्न सांस्कृतिक गतिविधिहरू सञ्चालन गरी उत्सवको रौनक बढाइएको थियो। कार्यक्रममा स्थानीय संस्कृति, कला र परम्पराको संरक्षण एवम् प्रवर्द्धनमा विशेष जोड दिइएको थियो।

एक्स्ट्रिम इनर्जी ड्रिंकले स्थानीय जात्रा, पर्व तथा समुदायसँग सहकार्य गर्दै आफ्नो सामाजिक उत्तरदायित्वलाई सांस्कृतिक संरक्षणसँग जोड्दै आएको जानकारी दिएको छ।