काठमाडौं। उपराष्ट्रपति रामसहायप्रसाद यादवले आज विजयादशमीका अवसरमा शुभसाइतमा टीका, प्रसाद र जमरा ग्रहण गरेका छन्।

उपराष्ट्रपति यादवले लैनचौरस्थित उपराष्ट्रपति भवनमा आज बिहान १० बजेर २६ मिनेटको शुभ साइतमा गुरुपुरोहितको हातबाट विजयादशमीको टीका, प्रसाद र जमरा ग्रहण गरेको उनका प्रेस सल्लाहकार दिनेश यादवले जानकारी दिएका छन्।

गुरुपुरोहितबाट टीका तथा आशीर्वाद ग्रहण गरेपछि उपराष्ट्रपतिले आफ्ना परिवारका सदस्यहरूलाई पनि टीका र जमरा लगाइदिएका छन्।