काठमाडौं। पछिल्लो २४ घण्टामा देशका विभिन्न स्थानमा भएका सवारी दुर्घटनामा ५ जनाको मृत्यु भएको छ भने ३१३ जना घाइते भएका छन्।

नेपाल प्रहरीले दिएको जानकारी अनुसार दुर्घटनामा कोशी प्रदेशमा २ जनाको मृत्यु भएको छ भने गण्डकी र बागमती प्रदेश तथा काठमाडौं उपत्यकामा एक एक जनाको मृत्यु भएको छ।

त्यस्तै देशभर भएका दुर्घटनामा ३१३ जना घाइते भएका छन्। जस अनुसार मधेश प्रदेशमा ४३ जना घाइते भएका छन् भने कोशीमा १०८ जना, काठमाडौं उपत्यकामा १६ जना, सुदूरपश्चिममा ४९ जना, बागमतीमा २० जना घाइते भएका छन् भने लुम्बिनीमा ६६ जना, कर्णालीमा ३ जना र गण्डकीमा ८ जना घाइते भएका छन्।