काठमाडौं। कोरोनाभाइरसका सुरुवाती लक्षणहरुमा सुख्खा खोकी, कडा ज्वरो र सास फेर्न समस्या हुने बताइएको थियो । तर, यो रोगका अब कैयौं अन्य लक्षण पनि भेटिएका छन् । अमेरिकाको सेन्टर फर डिजिज कन्ट्रोल एण्ड प्रिभेन्सनले यी लक्षणको सूची जारी गरेको छ । सीडीसीका अनुसार कोरोनाभाइरसका तीन प्रमुख लक्षणका अलावा अन्य लक्षणहरु पनि छन् जसलाई अहिलेसम्म बेवास्ता गर्ने गरिएको छ । सीडीसीले यो रोगका ६ नयाँ लक्षण बताएको छ र वैज्ञानिकहरुले यी लक्षण संक्रमण भएको २ दिनदेखि १४ दिनसम्ममा देखिने बताएका छन् ।

१. सीडीका अनुसार कोरोना भाइरस संक्रमणपछि मानिसहरुलाई चिसो लाग्ने जस्तै समस्या हुन्छ । यो लक्षण बिल्कुल उस्तै हुन्छ जस्तो आम संक्रमणपछि हामीलाई रुघा लाग्छ ।

२. कोरोना संक्रमणपछि रुघाको साथै शरीर काम्ने र कठ्यांग्रिने जस्ता लक्षण पनि देखिन्छन् । चिसोका कारण शरीर कठ्यांग्रिन थाल्छ ।

३. सीडीसीले जारी गरेको लक्षणमा मांशपेशीमा पीडा हुने पनि बताइएको छ । यसअघि पनि कैयौं स्वास्थ्य विज्ञले जोर्नी दुख्ने समस्याबारे बताइसकेका छन् ।

४. कोरोना भाइरस संक्रमितलाई तीब्र रुपमा टाउको दुख्ने समस्या हुने पनि पाइएको छ । चीन र अमेरिकामा कैयौं बिरामीहरुमा यो समस्या देखिएको थियो ।

५. कोरोना संक्रमित व्यक्तिलाई घाँटीमा खसखसको पनि समस्या हुन्छ । अहिलेसम्म आएका कैयौं केसमा घाँटी दुख्ने र सुन्निने समस्या देखिएको थियो ।

७. सीडीसीका अनुसार कोरोनासंक्रमितहरु जिब्रोले स्वाद थाहा पाउन असमर्थ हुन्छन् । कैयौं देशमा आएका केसमा बिरामीले स्वाद पहिचान गर्न नसक्ने समस्या देखिएको थियो ।