काठमाडौं । कुकुरको आक्रमणबाट बहिनीलाई जोगाएका ६ वर्षीय बालकलाई विश्व बक्सिङ परिषद्ले विश्व बक्सिङ च्याम्पियनको मानार्थ उपाधि दिइएको छ। अमेरिकाको वयोमिङका ६ वर्षीय बालक ब्रिजर वाकरलाई विश्व बक्सिङ च्याम्पियनको मानार्थ उपाधि दिइएको हो ।

वाकरले गत जुलाई ९ मा जर्मन सेफार्ड कुकुरको आक्रमणबाट आफ्नी ४ वर्षीया बहिनीलाई बचाएका थिए । कुकुरले बहिनीलाई आक्रमण गर्न लागेको देखेपछि बहिनीको सहयोगका लागि उनी अघि सरेका थिए । उनले बहिनीलाई बचाउने प्रयास गर्दा कुकुरले उनीमाथि आक्रमण गरेको थियो । उनको मुखसहित शरीरको अन्य भागमा पनि चोट लागेको थियो । यो घटनापछि उनको शरीरमा ९० टाँका लगाइएको थियो ।

We are honored to name 6-year-old, Bridger Walker, WBC Honorary Champion, for his brave actions that represent the best values ​​of humanity. Bridger, you’re a hero ?? pic.twitter.com/L2FqL0K4vw

— World Boxing Council (@WBCBoxing) July 15, 2020

यसबारेमा उनकी काकी निकोलले इन्स्टाग्राममा पोस्ट गरेकी थिइन् । यो पोष्ट भाइरले हुदैँ डब्लुबीसीमा पुगेपछि ब्रिजरलाई विश्व बक्सिङ च्याम्पियनको मानार्थ उपाधि दिने निर्णय गरेको हो ।

डब्लुबिसीले ट्वीट गर्दै लेखेको छ, ‘मानवताको विषयमा ६ वर्षे बालक ब्रिडजर वाल्करले देखाएको व्यवहारको उच्च सम्मान गर्दै देखाएको बहादुरीका लागि डब्लुबीसी मानार्थ च्याम्पियन घोषणा गर्न पाउँदा गौवरवान्वित छौं। ब्रिडजर तिमी हिरो हौ।’