काठमाडौं। पछिल्लो समय भारतीय खुफिया एजेन्सी  रअका प्रमुख सामन्तकुमार गोयललाई भेटेर विवादमा परेका प्रधानमन्त्री केपी शर्मा ओलीले  आज  सप्तमीका दिन जारी गरेकाे    दशैंकाे शुभकामना सम्बन्धी सन्देश विवादमा परेकाे छ।

साे सन्देशमा प्रयाेग भएकाे निसान छापमा  नेपालकाे पुरानै नक्सा राखिएकाे छ। अघिल्लाे दिन भारतीय जाजुससँग भेट्नु र भाेलिपल्ट प्रधानमन्त्रीले नै नेपालकाे वास्तविक नक्सा प्रयाेग नगर्नुले गम्भीर प्रश्न उठाएकाे भन्दै  उनकाे व्यापक आलोचना भएकाे हाे।

सरकारले भारतले अतिक्रमित गरेको नेपाली भूमि समेटेर नयाँ नक्शा जारी गरेको थियो। संविधान संशोधन गरेर नयाँ नक्सा प्रयोगमा पनि ल्याइएको छ। तर प्रधानमन्त्री ओलीले नै दशैंको शुभकामना दिने क्रममा प्रयोग गरेको निशान छापमा पुरानो नक्सा प्रयोग गरेपछि प्रमुख प्रतिपक्ष दलले प्रश्न उठाएको हो।

लिम्पियाधुरा रहित नेपालको नक्सा प्रयोगलाई सामान्य त्रुटि कसरी मानौं सम्माननिय @PM_Nepal ? गम्भीर विमती दर्ज होस् !

देशको संसदले पारित गरेको नक्सा अब नक्सामै असुरक्षित भएपछि जग्गा फिर्ता गर्ने अभियान जारी कि यहाँको नेतृत्वमा बिसर्जन ? pic.twitter.com/qUc0Er88xf

— Bishwa Prakash शर्मा (@bishwaprakash77) October 23, 2020

कांग्रेस प्रवक्ता विश्वप्रकाश शर्माले सामाजिक सञ्जाल ट्वीटरमा लिम्पियाधुरारहित नेपालको नक्सा प्रधानमन्त्रीले प्रयोग गरेको भन्दै गम्भीर विमति जनाएका छन्

उनले देशको संसदले पारित गरेको नक्सा नक्सामै असुरक्षित भएको भन्दै जग्गा फिर्ता गर्ने अभियान जारी राख्ने कि यहाँको नेतृत्वमा बिसर्जन गर्ने भन्दै प्रधानमन्त्री केपी शर्मा ओलीसगँ प्रश्न गरेका छन्।