काठमाडौं । इरानले दक्षिणकोरियाको झण्डा अंकित ट्यांकरलाई नियन्त्रणमा लिएको छ । गल्फ क्षेत्रबाट उक्त ट्यांकरलाई इरानको रिभोलुस्नरी गार्डले सोमबार नियन्त्रणमा लिएको हो ।

दक्षिण कोरियाको बैंकमा रोकिएको इरानी फण्डको विषयमा तेहरान र सियोलबीच तनाव बढीरहेको बेल इरानले कोरियाको ट्यांकरलाई नियन्त्रणमा लिएको हो ।

समाचार एजेन्सी रोयटर्सका अनुसार कोरियाले पनि उक्त कुराको पुष्टि गरेको छ र चाँडो भन्दा चाँडो छाडिदिन माग गरेको छ । इरानले यो भन्दा पहिला पनि केही बेलायती ट्यांकरलाई आफ्नो नियन्त्रणमा लिएको थियो ।