काठमाडौं। उत्तरी छिमेकी मुलुक चीनबाट कोरोना प्रभावित नेपालका लागि स्वास्थ्य सामाग्री सहयोग आएको छ। विहीबार चिनियाँ सहयोग नेपाल आइपुगेको परराष्ट्र मन्त्रलयले जनाएको छ। मन्त्रालयका अनुसार चीनबाट जीवन रक्षक औषधि र स्वाथ्य इक्वीपमेन्ट आएको हो।

मन्त्रालयले ३५ सय अक्सिजन सिलिन्डर र १० वटा भेन्टिलेटर सहयोगमा चीनले पठाएको जानकारी दिएको छ। चिनियाँ सामाग्री एयरलिफ्ट गरेर विहीबार काठमाडौं ल्याइएको हो। मन्त्रालयका अनुसार अन्य चिनियाँ सहयोग पनि रसुवागढी नाकामा आइपुगेको छ भने केही सहयोग तातोपानी नाकामा आइपुग्ने क्रममा छ।
नेपाल सरकारले सहयोग गरेकोमा चीनलाई धन्यवादसमेत दिएको छ।