काठमाडौं। युईएफए युरोकप २०२० फुटबलमा क्रोएसियाले सानदार जित निकाल्दै नकआउट चरणमा प्रवेश गरेको छ।

ह्याम्पडेन पार्कमा मंगलबार राति सम्पन्न समूह चरणको अन्तिम खेलमा क्रोएसियाले स्कटल्याण्डलाई ३ – १ गोलअन्तरले पराजित गरेको हो।

क्रोएसियाका लागि निकोला भलासिक, लुका मोड्रिच र इभान पेरिसिकले एक एक गोल गरे।

स्कटल्याण्डका क्यालुम ग्रेगोरले एक गोल फर्काए।

पहिलो हाफको १७ औं मिनेटमा निकोला भलासिकले गोल गर्दै क्रोएसियालाई १ -० को अग्रता दिलाएका थिए।

पहिलो हाफको अन्तिम समय ४२ औं मिनेटमा क्यालुम ग्रेगोरले गोल गर्दै स्कटल्याण्डलाई १ – १ को बराबरीमा ल्याए।

दोस्रो हाफको ६२ औं मिनेटमा कप्तान लुका मोड्रिचले उत्कृष्ट गोल गर्दै क्रोयसियालाई २ – १ को अग्रता दिलाए।

खेलको ७७ औं मिनेटमा इभान पेरिसिकले गोल गर्दै क्रोएसियालाई ३ – १ को जित दिलाए।

दुवै टोलिले गोल गर्ने केही सुनौलो अवसर पाएपनि त्यसलाई नतिजामुखि बनाउन सकेनन्।

समूह ‘डी’ मा रहेको क्रोएसिया एक खेलमा जित, एक खेलमा बराबरी र एक खेलमा हारको नतिजा निकाल्दै समूहको दोस्रो स्थानमा छ। क्रोएसियाले तीन खेलमा ४ अंक जोडेको छ।

पराजित स्कटल्याण्ड समूह चरणको पुछारमा रहँदै प्रतियोगिताको अन्त्य गरेको छ। तीन खेलमा एक बराबरी र दुई खेलमा हारको नतिजा निकालेको स्कटल्याण्डले १ अंक मात्रै बटुल्न सफल भयो।