काठमाडौं । युरोकप र कोपा अमेरिकामा अनलाइन बेटिङ खेलाएको अभियोगमा प्रहरीले तीन भारतीय नागरिकसहित ८ जनालाई पक्राउ गरेको छ।

पक्राउ पर्नेमा काठमाडौं ४ सुकेधाराका ५७ वर्षीय राजेन्द्र श्रेष्ठ प्रधान, काठमाडौं १९ ढोकाटोलका ४७ वर्षीय जीवन लामा, पर्सा वीरगञ्ज नगरपालिका ७ घर भई हाल कुलेश्वर बस्ने ४६ वर्षीय सुरज टिवडेवाल, चितवन खैरहनी नगरपालिका ५ घर भई हाल धापासी बस्ने ४५ वर्षीय गोविन्दप्रसाद आचार्य, विराटनगर ७ घर भई हाल मरूटोलका ४६ वर्षीय अमरनाथ गुप्ता छन्।

यस्तै, पक्राउ पर्ने भारतीय नागरिकमा बिहार पूर्वी चम्पारण रक्सौलका ४६ वर्षीय अशोककुमार गुप्ता, भारत हरियाना विवरनी घर भएका ४९ वर्षीय राजेशकुमार अग्रवाल र राजस्थान झुनझुन जिल्लाका ३३ वर्षीय सुचित डालमिया अग्रवाल छन्।

अनलाइनमा बेटिङ खेलाएको सुचनका आधारमा महानगरीय अपराध महाशाखाको टोलीले ३४ लाख ६५ हजार रकमसहित काठमाडौंका विभिन्न स्थानबाट सोमबार पक्राउ गरेको हो।