काठमाडौं। नेपाल विद्युत प्राधिकरणको कार्यकारी निर्देशकमा कुलमान घिसिङलाई पुनः नियुक्ति गरिएको विरुद्ध प्राधिकरणका पूर्व कार्यकारी अधिकृत हितेन्द्रदेव शाक्यले दायर गरेको मुद्दाको सुनुवाइ आज हुने भएको छ । प्रधानन्यायाधीश चोलेन्द्रसमशेर जबराले यो मुद्दाको सुनुवाइ आफ्नै इजलासमा तोकेका छन् ।

सरकारले केही समयअघि हितेन्द्रदेव शाक्यलाई पधिकरणको कार्यकारी निर्देशकबाट हटाएर कुलमान घिसिङलाई नियुक्त गरेको थियो ।

रिटमा शाक्यले आफ्नो कार्यकाल बाँकी भएकोले आफूलाई बीचमै हटाएर सरकारले गरेको नयाँ नियुक्ति बदर गर्दै आफूलाई पुनः त्यही पदमा बहाल गराउन माग गरेका छन् । रिट निवेदन इजलासको दोस्रो नम्बरमा परेको छ ।