काठमाडौं। यूएईमा जारी आईसीसी टी–२० विश्वकप अन्तर्गत आज हुने खेलमा भारत र पाकिस्तानबीचको भिडन्त हुँदैछ। सुपर १२ को ग्रुप २ मा रहेका भारत र पाकिस्तानबीचको खेल दुबईमा नेपाली समय अनुसार बेलुका पौने ८ बजे सुरु हुनेछ।भारत र पाकिस्तानको सीमा र विवाद निरन्तर चलिरहदाँ यसको प्रत्यक्ष असर खेल क्षेत्रमा पनि पर्ने गरेको छ ।

त्यसै कारण पछिल्ला वर्षहरुमा आईसीसीको प्रतियोगिता बाहेक पाकिस्तान र भारतले एकअर्काविरुद्ध क्रिकेट खेल्ने गरेका छैनन्।भारत र पाकिस्तानबीच भएको विश्वकपको कुनैपनि खेल पाकिस्तानले जित्न सकेको छैन। त्यसैले आज हुने खेलमा भारत आफ्नो अपराजित यात्रा निरन्तर कायम गर्न चाहन्छ,भने पाकिस्तान पराजित यात्रालाई अन्त्य गर्न चाहन्छ।