काठमाडौं। चीनले अमेरिकी विदेश मन्त्री एन्टोनी ब्लिंकनको चीनको बारेमा ताजा बयानप्रति कडा आपत्ति जनाएको छ र अमेरिकीहरुले चीनको बारेमा झुट फैलाइरहेको आरोप लगाएको छ । चीनको विदेश मन्त्रालयकी प्रवक्ता हुआ चिनयिङले भनेकी छिन् ‘जतिबेला चीनका जनता यात्री विमान दुर्घटनाका कारण आहत छन् यस्तो बेलामा अमेरिकी विदेश मन्त्री चीनमा ‘नरसंहार’को बारेमा झुट फैलाइरहेका छन् । यो कति संवेदनशीन छ ।’

When the #Chinese people are pained by the tragedy of passenger flight MU5735, the #US Secretary of State is still spreading lies about “genocide” in China. How callous!

— Hua Chunying 华春莹 (@SpokespersonCHN) March 22, 2022

अमेरिकी विदेश मन्त्रीले होलोकास्ट म्युजियमको आठौं वार्षिकोत्सवमा सोमबार भनेका थिए ‘होलोकास्टपछि अमेरिकाले ७ पटक यो निष्कर्ष निकालेको छ कि नरसंहार गरिएको छ ।’ यही क्रममा उनले बर्मामा रोहिंग्याविरुद्ध नरसंहारको उल्लेख गरे । त्यसपछि उनले चीनको कुरा पनि उल्लेख गरे । चीनको नाम लिँदै ब्लिंकनले भने ‘मानवअधिकारको हनन गर्नेहरुले यसको नतिजा भोग्नुपर्छ । अमेरिकाले चीनभित्र र बाहिर असन्तुष्टहरु र मानवअधिकारको रक्षा गर्नेहरुमाथि दमनको कोसिसको लागि चीनका कैयौं अधिकारीहरुमाथि भिसा प्रतिबन्ध लगाएको छ ।’

Perpetrators of human rights abuses must continue to face consequences. The United States has taken action to impose visa restrictions on PRC officials for attempting to intimidate, harass, and repress dissidents and human rights defenders inside and outside of China.

— Secretary Antony Blinken (@SecBlinken) March 21, 2022

ब्लिंकनको यो टिप्पणीबाट असन्तुष्ट चीनको विदेश मन्त्रालयकी प्रवक्ताले भनेकी छिन् ‘एकपटक हेर्नुस् कि अमेरिकाले के गरेको छ र उसले अब के के गर्दैछ । मूल अमेरिकीहरुविरुद्ध नरसंहार, नश्लीय भेदभाव र बन्दुकसँग सम्बन्धित हिंसा । यसका अलावा इराकीहरु र अफगानीहरुविरुद्ध क्रुरता ।’ हुआ चुनयिङले आफूलाई मानवअधिकारको रक्षक ठान्ने अमेरिकी अधिकारीहरु आफ्नो कल्पनाको संसारबाट ब्युँझिनुपर्ने बताइन् ।’