काठमाडौँ।  छिमेकी देश भारतमा फेरी कोरोना संक्रमितको संख्या बढ्दै गइरहेको छ। पछिल्लो २४ घण्टामा भारतमा ७ हजार ५८४ नयाँ कोरोना संक्रमित भेटिएका छन् ।  बिहीबारको तुलनमा ४.८ प्रतिशतले बढी कोरोना संक्रमित फेला परेका छन्।

भारतमा हालसम्म ४ करोड ३२ लाख ५ हजार १०६ जनामा ​​कोरोना संक्रमण देखिएको छ । भारतमा सबैभन्दा बढी महाराष्ट्र र केरलामा संक्रमित भेटिएका छन् ।

सबैभन्दा बढी संक्रमित ५ राज्यहरूको बारेमा कुरा गर्दा, महाराष्ट्रमा सबैभन्दा बढी २८१३, केरलामा २१९३, दिल्लीमा ६२२, कर्नाटकमा ४७१ र हरियाणामा ३४८ थिए। भारतमा भेटिएका कुल संक्रमितमध्ये ८५ प्रतिशत यी ५ राज्यमा भेटिएका छन् । जबकि महाराष्ट्रमा मात्र ३७.०९ प्रतिशत संक्रमित फेला परेका छन्।

पछिल्लो २४ घण्टामा कोरोनाका कारण २४ जनाको मृत्यु भएको छ । जबकि एक दिन अघि मात्रै ८ जनाको मृत्यु भएको थियो । भारतमा महामारीका कारण अहिलेसम्म ५ लाख २४ हजार ७४७ जनाको ज्यान गएको छ ।

भारतमा ९८.७ प्रतिशत कोरोना संक्रमण निको भइसकेको छ। पछिल्लो २४ घण्टामा ३ हजार ७ सय ९१ जना कोरोनाबाट निको भएका छन् । हालसम्म देशमा ४ करोड २६ लाख ४४ हजार ९२ जना कोरोनाबाट निको भएका छन् ।

भारतमा पछिल्लो २४ घण्टामा ३ हजार ७६९ जना सक्रिय कोरोना संक्रमित बढेको छ। यो समेत गरेर भारतमा सक्रिय कोरोना संक्रमितको संख्या ३६ हजार २६७ पुगेको छ।