काठमाडौं । मेक्सिकोमा आक्रोशित भीडले एक राजनीतिक सल्लाहकारको हत्या गरेको छ । वास्तवमा, उनलाई सामाजिक सन्जालको म्यासेज ग्रुपमा एक बच्चा अपहरण गरेको आरोप लगाइएको थियो। अधिकारीहरुका अनुसार ३१ वर्षीय ड्यानियल पिकाजोलाई २०० जनाको भीडले आक्रमण गरेको थियो । यो घटना पुब्लामा भएको हो ।

पिकाजो पापटलाजोल्कोको भ्रमणमा थिए त्यतिबेला भीडले उनलाई घेरेर मैदानमा तानेर आगो लगाए। स्थानीय अधिकारीहरूले घटनालाई बर्बरता भनेका छन्। डेनियल पिकाजो आफ्नो हजुरबुबाको सहरमा थिए जब स्थानीय व्हाट्सएप समूहमा अफवाह फैलियो कि उनी बच्चाको अपहरणमा संलग्न थिए। स्थानीय सञ्चारमाध्यमका अनुसार आक्रोशित भीडले पिकाजो र उनका दुई सहयोगीमाथि आक्रमण गरे र त्यसपछि पिकाजोलाई घिसार्दै मैदानमा लगे।

प्रहरीले यस विषयमा हस्तक्षेप गर्न खोज्दै पिकाजोलाई पेट्रोल कारमा बस्न लगाएको थियो तर भीडले प्रहरीलाई त्यहाँबाट जान दिएन र पिकाजोलाई लगेर पेट्रोल छर्केर आगो लगाएको थियो । उनको शव पछि अधिकारीहरूले फेला पारेका थियो। विज्ञप्ति जारी गर्दै नगर परिषदले घटनाको घोर भत्र्सना गर्दै यस विषयमा कानुनी कारबाही गरिने जनाएको छ । यस विषयमा आधिकारिक अनुसन्धान सुरु भएको छ । तर स्थानीय सञ्चारमाध्यमका अनुसार अहिलेसम्म कसैलाई पनि पक्राउ गरिएको छैन ।