काठमाडौं । पाकिस्तानको टोली रावलपिंडी टेस्टमा इंग्ल्याण्डसँग ७४ रनले पराजित भएको छ । कप्तान बाबर आजमले २२ वर्षपछि इङ्ल्यान्डसँग टेष्टमा पाकिस्तानको पराजयपछि पिचबारे आफ्नो सुझाव लिइएको तर आफुले चाहेको पिच नपाएको बताएका छन् ।

इंग्ल्याण्डले पाकिस्तानलाई जितका लागि ३४३ रनको लक्ष्य दिएको थियो तर पुरै टोली २६८ रनमा आउट भएको थियो । रावलपिण्डीको यो पिच पहिलो दिनदेखि नै चर्चामा छ । पहिलो दिन इंग्ल्याण्डले ५ सयभन्दा बढी रन बनाएको थियो ।

त्यसपछि रमीज रजालगायत धेरै क्रिकेटरले यसको आलोचना गरेका थिए । यो पिचमा खेलेका पहिलो दुई इनिङ्समा सात ब्याट्सम्यानले शतक बनाएका थिए ।

यो पिचको बारेमा बाबर आजमको पीडा खेल पछि बाहिर निस्कियो जब उनले भने, “हो पिचको बारेमा मेरो इनपुट लिइएको थियो र हामीले के चाहन्छौं भनेर स्पष्ट रूपमा भनेका थियौं तर मौसम वा अन्य कुनै कारणले हामीले त्यो पाएनौं। तर हामी स्पिनरहरूको बल घुम्ने पिच चाहन्थ्यौं।