काठमाडौं । युक्रेनको सेनाका अनुसार नयाँ वर्षको पहिलो दिन (आइतबार) पनि रुसले आफ्नो देशमा आक्रमण गरेको थियो । यी आक्रमणमा रुसले इरानमा बनेको ड्रोनको प्रयोग गरेको थियो ।

राजधानी किभ लगायतका धेरै सहरलाई यी आक्रमणमा निशाना बनाइएको छ । यसले युक्रेनको विद्युत आपूर्तिमा नराम्रो असर पारेको छ ।

यद्यपि युक्रेनी सेनाले मध्यरातदेखि त्यस्ता दर्जनौं ड्रोनलाई खसालेको बताएको छ। अर्कोतर्फ रुसले युक्रेनको ड्रोन बनाउने प्लान्टमा आक्रमण गरेको बताएको छ ।

दक्षिणी युक्रेनको खेरसनका एक अधिकारीले भनेका छन् कि यी आक्रमणहरूमा एक १३ वर्षीय बालक दुई पटक फसेका छन् ।

उनी पहिलो पटक घाइते भएपछि यी आक्रमणमा फसेका थिए। त्यसपछि उनी अस्पताल पुगेपछि त्यहाँ पनि रुसले आक्रमण गरेको थियो । ती बालकको अवस्था निकै गम्भीर रहेको बताइएको छ ।