काठमाडौं । फ्रान्सेली व्यंग्य पत्रिका चार्ली हेब्दोमा प्रकाशित आफ्ना सर्वोच्च नेता आयातोल्लाह अली खामेनीप्रति लक्षित कार्टुनलाई लिएर इरानले असन्तुष्टि व्यक्त गरेको छ ।

यो कार्टुनलाई आपत्तिजनक भन्दै इरानले फ्रान्सेली राजदूत निकोलस रोचेलाई बोलाएर फ्रान्सलाई परिणाम भोग्नुपर्ने चेतावनी दिएको छ । चार्ली हेब्दोले हिजाबको विरोधमा अयातोल्लाह खामेनीको आलोचना गर्दै धेरै कार्टुन प्रकाशित गरेको छ।

यसबारे इरानका विदेशमन्त्री हुसेन अमिर अब्दुलाहयानले ट्वीट गर्दै भनेका छन्, “इरानको धार्मिक र राजनीतिक प्रशासनको विरुद्धमा कार्टुन प्रकाशित गर्ने फ्रान्सेली प्रकाशनको यो घृणित कार्यलाई प्रभाव र निर्णायक प्रतिक्रिया बिना भुल्ने छैन।”

उनले भने, ‘हामी फ्रान्स सरकारलाई आफ्नो सिमाना बाहिर जान दिनेछैनौं। उसले साँच्चै गलत बाटो रोजेको छ।’

इरानको विदेश मन्त्रालयका प्रवक्ताले भने, “फ्रान्सलाई अभिव्यक्ति स्वतन्त्रता अन्तर्गत अन्य मुस्लिम देशहरूको विश्वासमा चोट पुर्‍याउने अधिकार छैन।” इरान फ्रान्सेली सरकारको प्रतिक्रिया र फ्रान्सेली प्रकाशनको व्यवहारको निन्दा गर्न चालेका कदमहरूको पर्खाइमा छ।’