सुदूरपश्चिम । सुदूरपश्चिम प्रदेशको मुख्यमन्त्रीमा नेकपा एमालेका सुदूरपश्चिम संसदीय दलका नेता राजेन्द्र रावल नियुक्त भएका छन्।

प्रदेश प्रमुख देवराज जोशीले नेता रावललाई मुख्यमन्त्रीमा नियुक्त गरेका हुन्। रावल नेकपा माओवादी केन्द्र, नागरिक उन्मुक्ति पार्टी र राप्रपाको समर्थनमा मुख्यमन्त्रीमा नियुक्त भएका हुन्।

५३ जना प्रदेशसभा सदस्य रहेको सुदूरपश्चिममा सरकार गठनका लागि २७ प्रदेशसभा सदस्यको समर्थन आवश्यक पर्नेमा २९ जनाको समर्थन रावलले पाएका छन्। प्रदेशमा कांग्रेसका १९, माओवादीका ११, एमालेका १०, नागरिक उन्मुक्तिका ७, एकीकृत समाजवादीका ४ तथा राप्रपा र एक जना स्वतन्त्र प्रदेशसभा सदस्य छन्।