काठमाडौं । हङकङमा सन् २०१९ को मध्यमा भएको सरकार विरोधी प्रदर्शनमा संलग्न व्यक्तिहरू विरुद्धको सुनुवाइ सोमबारदेखि सुरु भएको छ ।

आफ्नो किसिमको सबैभन्दा ठूलो सुनुवाइमा झण्डै ४७ जनालाई विवादास्पद राष्ट्रिय सुरक्षा ऐन उल्लंघन गरेको आरोप लगाइएको छ।

यी मुद्दाहरूको सामना गर्ने हङकङका मानिसहरूमा सहरका प्रख्यात प्रजातन्त्र समर्थक अनुहारहरू समावेश छन्। जोशुआ वोंग, बेनी ताई जस्ता नामहरू तिनीहरूमध्ये प्रमुख छन्।

ती सबैलाई अनौपचारिक प्राथमिक निर्वाचन (विधानसभाको निर्वाचनमा उम्मेदवार छनोट गर्ने निर्वाचन) गराएर सरकारलाई ढालेको आरोप लगाइएको छ।

राष्ट्रिय सुरक्षामा खतराको अभियोगमा मुद्दाको सामना गरिरहेका अधिकांश विगत दुई वर्षदेखि हिरासतमा छन्।

सोमबार, उनीहरूका समर्थकहरू वेस्ट काउलुन मजिस्ट्रेटको अदालत बाहिर लामो लाइनमा भेला भए, जहाँ उनीहरूका मुद्दाहरूको सुनुवाइ भइरहेको छ।

सोही क्रममा धेरैले अदालतबाहिर प्लेकार्ड बोकेर यस मुद्दाको विरोध गरेका थिए । ती प्लेकार्डमा ‘यो निर्लज्ज कार्य हो’, ‘राजनीतिक बन्दी तुरुन्त रिहा गर’ जस्ता नारा लेखिएका थिए ।

अनौपचारिक प्राथमिक निर्वाचन गराएर सरकार ढाल्ने प्रयास भएको आरोप लागेको छ ।

आलोचकहरूले यो कानून असहमतिको आवाजलाई दबाउन डिजाइन गरिएको दाबी गर्छन्।

यद्यपि चीन र हङकङका अधिकारीहरूले अशान्तिलाई सम्बोधन गर्नका लागि यो कानुन ल्याइएको भन्दै आएका छन् ।