काठमाडौं । अमेरिकाले ब्ल्याक सीमा रुसी सैन्य विमान र अमेरिकी ड्रोनबीच टक्करको भिडियो सार्वजनिक गरेको दाबी गरेको छ ।

अमेरिकाका अनुसार उक्त भिडियो रुसी सेनाको विमान अमेरिकी ड्रोनसँग ठोक्किएर ड्रोनका एक फ्यानमा क्षति पुगेको बेलाको हो ।

यो छोटो भिडियो क्लिपमा रुसी विमान एकदमै नजिकबाट उडिरहेको देख्न सकिन्छ, विमानबाट केही खसेको देख्न सकिन्छ, जसलाई अमेरिकाले ड्रोनमा खसालेको इन्धन हो भन्छ । यसपछिको भिडियोको ट्रान्समिसन स्पष्ट छैन ।

यसपछिको तस्बिरमा केही समयको लागि झुकेको ब्लेड देखिन्छ। पेन्टागनले उक्त भिडियोलाई छोटो बनाउन सम्पादन गरिएको तर घटनाहरू जसरी घट्यो त्यही क्रममा देखाउँदै आएको बताएको छ।

रुसले मंगलबारको यो घटनामा अमेरिकाको दावीलाई अस्वीकार गरेको छ । मङ्गलबार रुसी जेट र अमेरिकी ड्रोन ब्ल्याक सीको आकाशमा ठोक्किएका थिए ।