काठमाडौं । चीनमा शिकारीहरूले जंगलमा चलिरहेको घाँसको बीचमा एक व्यक्तिलाई खरायो सम्झेर गोली हानेका छन्। उक्त घटनामा वाङ मौजिन नामका व्यक्तिको मृत्यु भएको थियो । यस घटनामा चार जना पक्राउ परेका छन् ।

यो घटना गत हप्ता शुक्रबार साँझको हो । जियाङ्सी प्रान्तमा चार जना शिकार खेल्न गएका थिए । चीनमा गोली हानाहान हुने घटना विरलै हुने गरेको छ ।

जङ्गलमा घाँसको आवाज सुनेपछि चारमध्ये एकले गोली चलाएको प्रहरीले जनाएको छ । पीडित त्यहाँ माछा मार्न गएका थिए । पोष्टमार्टम रिपोर्टमा डुबेर मृत्यु भएको खुलेको छ ।

वास्तवमा गोली लागेर पानीको खाडलमा खसेर डुबेर मृत्यु भयो । चीनमा बन्दुक राख्ने नियम निकै कडा छ । यो घटनालाई लिएर चीनमा सामाजिक सञ्जालमा निकै बहस भएको छ ।

“यो कसरी सम्भव छ कि यो देशमा एक व्यक्तिसँग बन्दुक छ,” एक व्यक्तिले सामाजिक सञ्जाल प्लेटफर्म वेइबोमा लेखे।

अर्कोतर्फ अर्काले लेखेका छन्, ‘यो समाचार पढेपछि मलाई यो अमेरिकाबाट आएको कुनै समाचार हुनुपर्छ भन्ने लाग्यो ।’