काठमाडौं । एक वृद्धले आफ्नै ४ वर्षीया नातिनीलाई विद्यालयबाटै अपहरण गरेका छन् । जब पक्राउ परे उनले सबै दोष आफ्नी छोरीलाई दिए। यो व्यक्तिलाई जुवा खेल्ने लत छ, जसका कारण उनी ऋणमा छन्। ती वृद्धको पहिचान ६५ वर्षीय युआन रहेको छ । लतका कारण उनले यो अपराध गरेका हुन् । कुरा चीनको सांघाई सहरको हो ।

साउथ चाइना मर्निङ पोस्टको रिपोर्टका अनुसार युआन पहिले आफ्नो नातिनीलाई स्कूलबाट लिन गएका थिए। उनले बालककी आमासँग अपहरणकर्ताको रूपमा कुरा गरे, जो उनकी आफ्नै छोरी हुन्। उनले भने, ‘तीन दिनभित्र ५ लाख युआन नतिरे छोरीलाई कहिल्यै भेट्ने छैनौ।’ बालिकाकी आमाले सबै घटना प्रहरीलाई सुनाइन् । अनुसन्धानपछि उनले अपहरणकारी आफ्नै बुबा नै भएको थाहा पाइन् । जसलाई प्रहरीले पक्राउ गरेको छ ।

अभियुक्त बृद्धले जेलमा रहँदा आफुलाई बचाउन छोरीलाई आरोप लगाउन थाले । उनले भने, ‘म ६५ वर्षको भएँ र मेरी छोरीले ममाथि मुद्दा हालेकी छिन् । उनी म सुध्रिउँ भन्ने चाहँदिनन्, उनी म मरेको चाहन्छिन् । आरोपित युआनले यो परिवारको बिचको कुरा भएको र कानुनी कुरा नभएको बताए । उनले आफ्नी छोरीलाई कृतघ्न भने। उनले जेलमै भोक हडताल समेत गरे ।

अपहरण कहिले भएको हो भन्ने प्रहरीले बताएको छैन । यस विषयमा सामाजिक सञ्जालमा मानिसहरुले धेरै प्रतिक्रिया दिइरहेका छन् । उनीहरूले जृद्धसँग धेरै आक्रोश पोखिरहेका छन् । एक प्रयोगकर्ताले भने, ‘उनी कस्तो बेकार बुबा हुन्। नमरेसम्म परिवर्तन हुदैन। छोरीले उनीसँगको सबै सम्बन्ध अन्त्य गर्नुपर्छ।’ अर्का प्रयोगकर्ताले भने, ‘फिरौती र हिंसा अपराध हो र पक्कै पनि पारिवारिक मामिला होइन।’