कैयन् आँधीहरू आए कुनै रूकेनन्
फेरि नयाँ तुफानको कुराइमा
बिरूवामा नयाँ पालुवा चढेको छ
मानौ मनै ढाँक्ने गरी ढकमक्क।

कुनै अस्थिरताको निमन्त्रणा हो यो
शान्त छ मुर्दा शान्ति प्रकृतिमा आज
को कुन्नि कस्को चालमा अबुझ छ
मानौ प्रकृति फुल्दैछ ढकमक्क।

कुनै बिनाशको तयारी हो यो
आकाश फरक कराइरहेछ आज
प्रकृति भित्र आउने असमानतामा
मानौ आकाश फुल्दैछ ढकमक्क।

कुनै असमानताको खेल हो यो
सडकमा जीवन जुधिरहेछ आज
कुन चोकमा कुन जीवन रोइरहेछ
मानौ आँशु फुल्दैछ ढकमक्क।।

कैयन् जीवनहरूको संभावना हो यो
बाँच्नेहरूको प्रतिस्पर्धा चलिरहेछ
कुन युगमा कुन युद्धको तयारी हो
मानौ बिरूद्ध फुलिरहेछन ढकमक्क।