घातक हुँदैन हाम्रो सम्बन्ध मनले विश्वास लिन्छ
जस्तो कि हावा पानीको संगतले फलाम सकिन्छ

गलत नठान्नु बुझेपछि पनि यथार्थ मुस्कुराउनुको
आँसु या पानीले परेला भिजेको कसरी छुटिन्छ

आफैं सकिने रहेछन् अरुलाई सिध्याउन खोज्नेहरु
सत्य लाग्छ उखान मकै पिन्दा घुन पनि पिधिन्छ

कति लुट्छ्यौ आफैं जान्नु गुनासो छैन अब केही
तिमी छचल्किँदा मात्र यो मन छताछुल्ल पोखिन्छ

सपना सझाएर मनमा हेरिरहन्छु तिम्रो बाटो
बाटो बिराएको खबरले पनि मेरो धड्कन रोकिन्छ।