काठमाडौं । मोदी थरलाई लिएर आपराधिक मानहानि मुद्दामा गुजरात उच्च अदालतले शुक्रबार राहुल गान्धी विरुद्ध आफ्नो फैसला सुनायो।

गुजरात उच्च अदालतले यस मामिलामा राहुल गान्धीको याचिका खारेज गरेको छ।

राहुल गान्धीले यस मामिलामा सुरत अदालतको आदेशको विरुद्धमा याचिका दायर गरेका थिए र दोषी ठहर गर्न रोक लगाउन माग गरेका थिए।

२०१९ को चुनावी अभियानमा राहुल गान्धीले कर्नाटकको कोलारमा भनेका थिए – “सबै चोरको थर किन मोदी छ?” गुजरातमा बीजेपी नेता पूर्णेश मोदीले यस बयानलाई लिएर सुरत अदालतमा मुद्दा दायर गरेका थिए।

मार्च २०२३ मा, सुरजको अदालतले राहुल गान्धीलाई मुद्दामा दोषी ठहर गर्‍यो र त्यस्ता मामिलाहरूमा उनलाई अधिकतम दुई वर्षको सजाय सुनाएको थियो। लोकसभा सचिवालयले नियमहरू उद्धृत गर्दै एक नोटिस जारी गर्‍यो र राहुल गान्धीलाई सांसद पदबाट अयोग्य ठहरायो।

यस विषयमा राहुल गान्धी फेरि अदालत पुगेका छन् । गुजरात उच्च अदालतमा सुनुवाइ भएको थियो र निर्णय सुरक्षित राख्दै अदालतले गर्मी बिदा पछि निर्णय सुनाउने भनेको थियो।