काठमाडौं । युरोपेली संघले विद्युतीय कार उत्पादन गर्ने कम्पनीहरूलाई चीनले दिएको अनुदानबारे छानबिन गर्नेछ।

चीनले कार कम्पनीलाई दिएको ठूलो सब्सिडीका कारण युरोपेली कम्पनीहरुले घाटा बेहोर्नु परेको उसको भनाइ छ ।

युरोपेली युनियनका अध्यक्ष उर्सुला भोन डर लेनले भनिन्, “विश्व बजार चीनका सस्तो इलेक्ट्रिक कारहरूले भरिएको छ। चीनले यी कम्पनीहरूलाई सब्सिडी दिएर तिनीहरूको मूल्य धेरै कम राख्छ। यसले हाम्रो बजारलाई बर्बाद गरिरहेको छ।”

“हामी चीनबाट आएको यो अनुदानको छानबिन गर्नेछौं। हामी हाम्रो बजारलाई यसरी विकृत गर्न स्वीकार गर्दैनौं।”

दुई अर्थतन्त्रबीचको व्यापार युद्धबाट बच्न एक दशकअघि ईयूले चिनियाँ सौर्य प्यानलको निरीक्षण गरेको थिएन।

सब्सिडी विरोधी अनुसन्धानले टेस्ला, रेनो र बीएमडब्लु जस्ता गैर-चिनियाँ ब्रान्डहरू सहित चिनियाँ ब्याट्रीहरूद्वारा संचालित कारहरूलाई समेट्छ।

यो कदम फ्रान्सको लागि विजय हो, जसले भर्खरै चीनको ‘संरक्षणवाद’ को सामना गर्न मुखर नभएको खण्डमा युरोप हरित सङ्क्रमणमा पछाडि पर्नेछ भन्ने चिन्ता व्यक्त गरेको थियो।