अरुकोही मान्छेहरुले सुन्ला भनेर
बाथरुमभित्र हत्तपत्त ढोका थुनेर
के रोएका छौं कहिले धारा खोलेर ?

आधा संसार आँसु नै हो,रोए मन पखालिन्छ
यदि रुनु ठीक हो भने,आँसु किन लुकाइन्छ ?
छातिभित्र पलपलको प्रेम दुखेर
देब्रे हातको हत्केलाले मुख छोपेर
के रोएका छौं कहिले धारा खोलेर ?

गुमाउने र हार्नेहरुको ,आँसु लाज भइदिन्छ
उसो भए खुसी हुँदा मान्छे किन रोइदिन्छ?

जित्नु पर्ने खेलहरु हारी पठाएर
मनभरीका बिस्फोटहरु मनमै थामेर
के रोएका छौं कहिले धारा खोलेर?