काठमाडौं । फिलिपिन्सका राष्ट्रपति फर्डिनान्ड मार्कोस जुनियरले चीनलाई दक्षिण चीन सागरमा रातो रेखा पार नगर्न चेतावनी दिएका छन्। दक्षिण चीन सागर क्षेत्रमा चीन र फिलिपिन्सबीच द्वन्द्व बढ्दै गएको छ ।

राष्ट्रपति मार्कोस जुनियरले शुक्रबार एक विज्ञप्तिमा भनेका छन् – यदि कुनै चिनियाँ कार्यले एक जना पनि फिलिपिन्सका नागरिकको मृत्यु हुन्छ भने, फिलिपिन्सले यसलाई ‘युद्धको कार्य’ मान्छ र सोही अनुसार प्रतिक्रिया दिनेछ।

राष्ट्रपति मार्कोस जुनियरले सिङ्गापुरमा विश्वका धेरै देशका रक्षा मन्त्रीहरुको सहभागिता रहेको एक सुरक्षा मञ्चमा बोल्दै थिए । यसमा अमेरिकी रक्षामन्त्री लोयड अस्टिन पनि संलग्न थिए ।

अमेरिकी रक्षामन्त्रीले यो क्षेत्र अमेरिकाका लागि महत्वपूर्ण रहेको र एसिया सुरक्षित भए मात्रै अमेरिका पनि सुरक्षित हुने बताए ।

हालैका महिनाहरूमा, दक्षिण चीन सागरमा दाबीलाई लिएर चीन र फिलिपिन्स बीचको तनाव बढ्दै गएको छ, धेरै मामिलाहरूमा टकरावको बिन्दुमा पुगेको छ।

फिलिपिन्सले चिनियाँ जहाजहरूले आफ्नो गस्ती डुङ्गालाई पानीको तोपले आक्रमण गरेको आरोप लगाएको छ भने चीनले आफ्नो सार्वभौमसत्ताको रक्षा गरिरहेको तर्क गरेको छ।

विश्लेषकहरूले बताएअनुसार दक्षिण चीन सागरमा दुई देशबीचको कुनै पनि झडप ठूलो द्वन्द्वमा परिणत हुन सक्ने डर छ।