काठमाडौं। मुख्यसचिव डा. बैकुण्ठ अर्यालविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गर्ने भएको छ। भ्रष्टाचारका विभिन्न प्रकरणमा तानिएका अर्यालरुविरुद्ध आधा दर्जन मुद्दामा अख्तियारले अनुसन्धान गरिरहेको थियो ।

अर्यालविरुद्ध अन्तःशुल्क स्टिकर छपाइ प्रकरणसम्बन्धी अनियमिततामा मुद्दा चलाउने निर्णय अख्तियार स्रोतले बतायो।  शनिबार मुख्यसचिव अर्याल विरुद्ध मुद्दा चलाउने निर्णय गरेको अख्तियारले आइतबार (आज) विशेष अदालतमा मुद्दा दायर गर्ने भएको हो।