हातैमा थियो खुशी
बल गरेर पर पुर्‍याएँ
पैतालामै थियो गति
इज्जतैले रोकिदिएँ।।

आफैंलाई किन आज
आफैं भित्र रोकी रहन्छु
पेलाभित्र आनन्द रहेछ
इज्जतलाई रोकिदिएँ।।

ओठहरू किन आज
आफैसँग डराएछन्
आशुसँग सम्बन्ध रहेछ
खुशीहरू बेचिदिएँ।।

पाइलाहरू यसै यसै
कामेका छन् किन आज
नाताहरू लोभ रहेछ
सम्बन्धहरू रोकिदिएँ।।

आखाँहरू सुकीसके
सपनाहरू भुलिदिन्छु
इच्छाहरू मरिसकेँ
आफैंलाई भुलिदिन्छु।।