काठमाडौं । भेनेजुएलाको सुरक्षा बलले राजधानी काराकसमा रहेको अर्जेन्टिनी दूतावासलाई घेराबन्दी गरेको छ । अर्जेन्टिनाको यो दूतावासमा छ जना राजनीतिज्ञले शरण लिएका छन् ।

यी भेनेजुएलाका राष्ट्रपति निकोलस मदुरोका विपक्षी ६ जना राजनीतिज्ञ हुन् ।

भेनेजुएलाका विपक्षी दलका नेताहरूले पनि दूतावासको भवन वरपर रहेका गुप्तचर सुरक्षाकर्मीको तस्बिर र भिडियोहरू सामाजिक सञ्जालमा पोस्ट गरेका छन्।

भवनमा शरण लिएका विपक्षी नेताहरूले मदुरोले उनीहरूलाई घेराबन्दीमा राखेको बताउँछन्।

भेनेजुएलामा भएको राष्ट्रपति चुनावपछि अर्जेन्टिनासँगको सम्बन्ध टुटेको थियो । त्यसयता अर्जेन्टिनाको दूतावास ब्राजिलको रेखदेखमा थियो।

तर, शनिबार भेनेजुएला सरकारले ब्राजिलले अर्जेन्टिनी दूतावासको मर्मतसम्भार गर्न पाउने व्यवस्था पनि अन्त्य गरेको छ ।

भेनेजुएलाको चुनावी नतिजालाई शंकास्पद मान्ने देशहरूमध्ये अर्जेन्टिना पनि परेको छ।

विपक्षी दलहरूले भनेका छन् कि उनीहरूको उम्मेदवार एडमन्डो गोन्जालेजले राष्ट्रपति चुनाव जितेका थिए, तर पश्चिमी देशहरूले उनलाई मान्यता दिन अस्वीकार गरे।