काठमाडौं । अमेरिकी राष्ट्रपतिको निर्वाचनमा रिपब्लिकन उम्मेदवार पूर्व राष्ट्रपति डोनाल्ड ट्रम्पले जित्ने लगभग निश्चित देखिएको छ। अमेरिकी मिडिया आउटलेत सीएनएनले ट्रम्पले २६६ सिट जितिसकेको प्रक्षेपण गरेको छ । समाचार एजेन्सी एपीले ट्रम्पले २६७ सिट जितिसकेको प्रक्षेपण गरेको छ।

अमेरिकी राष्ट्रपति निर्वाचित हुन २७० इलेक्टोरल कलेज भोट आवश्यक हुन्छ । मतगणना अत्तिम चरणमा पुगिसकेका र प्रक्षेपण गरिसकिएका नतिजाले अब ट्रम्पलाई ३ वा ४ थप सिट आवश्यक भएको देखाउँछ ।

मतगणना भइरहेका नेवादा, एरिजोना, अलास्का, विस्कन्सिन, मिशिगन राज्यहरूमा पनि ट्रम्पले अग्रता लिइरहेको हुँदा ट्रम्पले अझै धेरै इलेक्टोरल कलेज सिट जित्ने देखाउँछ । ट्रम्पको अग्रतालो अन्तिन नतिजा आउँदासम्म उनले आवश्यक २७० मात्र नभइ अझै धेरै इलेक्टोरल कलेज सिट जिन्ने संकेत गर्छ ।

आफू जिततर्फ अग्रसर देखिएपछि ट्रम्पले समर्थकहरूलाई सम्बोधन समेत गरेका छन् । ट्रम्पले फ्लोरिडामा आफ्ना समर्थकहरूलाई सम्बोधन गर्दै आफ्नो विजय घोषणा गरेका छन् ।

उनी श्रीमती मेलानिया ट्रम्प र चुनावी अभियानका कर्मचारीसँग स्टेजमा पुगेका थिए । ट्रम्पले भने, “हामी हाम्रो देशलाई उठाउन मद्दत गर्नेछौं।” ट्रम्पले यो अमेरिकाको लागि “स्वर्ण युग” हुने बताए ।

उनले भने, “यो अमेरिकी जनताका लागि ठूलो विजय हो। जसले हामीलाई अमेरिकालाई फेरि महान बनाउन सक्षम बनाउँछ।”

ट्रम्पको अभियानको नारा थियो-मेक अमेरिका ग्रेट अगेन। यसको मतलब अमेरिकालाई फेरि महान बनाउनु हो। ट्रम्पले आफ्नो जित घोषणा गरेका छन् । यद्यपि यसको औपचारिक घोषणा भने भइसकेको छैन।

ट्रम्पले भने, “अमेरिकाले हामीलाई अभूतपूर्व र शक्तिशाली बहुमत दिएको छ।”

ट्रम्पले फ्लोरिडामा रहेको चुनावी मुख्यालयमा आफ्ना समर्थकहरूलाई सम्बोधन गर्दैछन्। उनको कुरा सुन्न यहाँ ठूलो संख्यामा मानिसहरु आएका छन्।