काठमाडौं । काठमाडौं महानगरपालिका–१६ बालाजु बोहराटारमा दिउँसो लाखौंको चोरी भएको छ।

बोहराटार बस्ने ४२ वर्षीया दुर्गा बोहराको घरबाट कोही नभएको अवस्थामा ताला फोडेर नगद ५० हजार रूपैयाँ र सुनका विभिन्न गरगहना समेत गरी करिब ७ लाख ९९ हजार रूपैयाँ बराबरको धनमाल चोरी भएको छ।

मंगलबार दिउँसो घरमा कोही नभएको अवस्थामा चोरी भएकोमा संलग्नहरू अहिलेसम्म पक्राउ परेका छैनन्। उनीहरूको खोजी भइरहेको प्रहरीले जनाएको छ।