काठमाडौं । ग्वाटेमालाले हाइटीमा सशस्त्र गिरोहले फैलाएको अराजकतासँग जुध्न आफ्ना सेना पठाएको छ।

ग्वाटेमाला सरकारका अनुसार १५० सैनिकमध्ये ७५ जना शुक्रबार र ७५ जना शनिबार हाइटी पुगेका थिए ।

सशस्त्र गिरोहको हिंसाले यो क्यारेबियन देशमा अराजकताको अवस्था सिर्जना गरेको थियो र यहाँ महिनौंसम्म आपतकाल लगाइएको थियो।

यी सशस्त्र गिरोहहरूले राजधानी पोर्टो-प्रिन्सको अधिकांश भाग कब्जा गरेका थिए।

ग्वाटेमाला सेनाले केन्याको नेतृत्वमा संयुक्त राष्ट्र समर्थित सुरक्षा मिसनलाई सहयोग गर्नेछ, जुन अहिलेसम्म हिंसा रोक्न असफल भएको छ।

गत वर्षको जुन र जुलाईमा केन्याले यी गिरोहसँग लड्न आफ्ना ४ सय सैनिकलाई हाइटी पठाएको थियो ।

संयुक्त राष्ट्रसंघ समर्थित अन्तर्राष्ट्रिय सैन्य मिसनमा विभिन्न देशका २,५०० अधिकारीहरू छन्। अमेरिका यस मिसनको सबैभन्दा ठूलो आर्थिक साझेदार हो।

हाइटीमा जमैका, बेलीज र एल साल्भाडोरका केही सैनिकहरू पनि छन्।

गत वर्ष मार्चमा, यी सशस्त्र गिरोहहरूले हाइटीका दुई ठूला कारागारहरूमा आक्रमण गरी ३,७०० कैदीहरूलाई मुक्त गरेका थिए।