काठमाडौं । अमेरिकी राष्ट्रपति डोनाल्ड ट्रम्पले ग्रीनल्याण्डमाथि अमेरिकाले नियन्त्रण पाउनेमा आफू विश्वस्त रहेको बताएका छन् । हालैका हप्ताहरूमा ट्रम्पले डेनमार्कको यो स्वायत्त क्षेत्र प्राप्त गर्न नयाँ चासो देखाएका छन्।

वास्तवमा शनिबार एयर फोर्स वनमा पत्रकारहरूसँगको कुराकानीमा ट्रम्पले भने, “मलाई लाग्छ कि हामीले यसलाई प्राप्त गर्नेछौं। त्यो टापुका ५६ हजार बासिन्दा हामीसँग आउन चाहन्छन्।”

यसैबीच, ट्रम्पको बयान पछि त्यस्ता रिपोर्टहरू पनि आएका थिए जसमा डेनमार्कका प्रधानमन्त्री मेटे फ्रेडरिकसनले गत हप्ता राष्ट्रपति ट्रम्पसँगको कुराकानीमा ग्रीनल्याण्ड बिक्रीको लागि नभएको बताएका थिए।

ट्रम्पले आफ्नो पहिलो कार्यकालमा सन् २०१९ मा यो टापु किन्ने सम्भावना व्यक्त गरेका थिए । उनले ग्रीनल्याण्डमाथि अमेरिकाको नियन्त्रण अन्तर्राष्ट्रिय सुरक्षाका लागि ‘अत्यन्तै महत्वपूर्ण’ भएको बताएका थिए ।

ट्रम्पले भने, “मलाई विश्वास छ कि मानिसहरू हामीसँग आउन चाहन्छन्। मलाई साँच्चै थाहा छैन डेनमार्कको दाबी के हो । उसले ग्रिनल्याण्ड दिने हो भने यो एकदमै मित्रवत कदम हुनेछ, किनभने यो स्वतन्त्र संसारको सुरक्षाको लागि हो।”

ट्रम्पले भने, “मलाई विश्वास छ कि हामीले ग्रिनल्याण्ड पाउनेछौं किनभने यो विश्वको स्वतन्त्रताको कुरा हो। यो स्वतन्त्रता प्रदान गर्ने हामी मात्र हौं। तिनीहरूले त्यसो गर्दैनन्।”