काठमाडौं । अमेरिकाका शीर्ष कूटनीतिज्ञले साउदी अरेबियामा अमेरिकी र युक्रेनी अधिकारीहरूबीचको वार्ता अघि रूससँगको युद्ध अन्त्य गर्न आंशिक युद्धविरामको प्रस्तावमा आशा देखेको बताएका छन्।

“म यो मात्र पर्याप्त छ भनिरहेको छैन, तर युद्ध अन्त्य गर्न तपाईंलाई यस्ता छुटहरू चाहिन्छ,” अमेरिकी विदेशमन्त्री मार्को रुबियोले सोमबार भने।

एक युक्रेनी अधिकारीले समाचार एजेन्सी एएफपीलाई बताएअनुसार मंगलबार हुने वार्तामा युक्रेनले रुससँग हवाई र नौसेना युद्धविरामको प्रस्ताव राख्ने अपेक्षा गरिएको छ।

यसअघि रुसले अस्थायी युद्धविरामको विचारलाई अस्वीकार गरेको थियो। रूसले यो समय किन्न र युक्रेनको सैन्य पतन रोक्नको लागि गरिएको प्रयास भएको बताएको थियो ।

युक्रेनी राष्ट्रपति भोलोडिमिर जेलेन्स्की साउदी अरबका युवराज मोहम्मद बिन सलमानलाई भेट्न सोमबार साउदी अरब पुगेका छन्।

युक्रेन युद्धविराम सम्झौताका सर्तहरूमा अमेरिकी र युक्रेनी अधिकारीहरूले मंगलबार रियादमा वार्ता गर्नेछन्, तर राष्ट्रपति जेलेन्स्की वार्तामा उपस्थित हुने अपेक्षा गरिएको छैन।

सोमबार राति आफ्नो भिडियो सम्बोधनमा जेलेन्स्कीले वार्ताबाट “ठोस नतिजा” आउने अपेक्षा गरेको बताए।