काठमाडौं । देशका विभिन्न स्थानमा पाँच जनाको शव फेला परेको छ।

कैलालीको लम्कीचुहा नगरपालिका-३ चिसापानीस्थित कर्णाली नदीमा पहिचान नखुलेका अन्दाजी ४५ वर्षीय पुरूष बिहीबार मृत अवस्थामा फेला परेका छन्।

सल्यानको दार्मा गाउँपालिका-५ बाध्नेस्थित सडक छेउमा रूकुम पश्चिम त्रिवेणी गाउँपालिका-९ घर भएका ६० वर्षीय मान सिंह कसेरा बिहीबार मृत अवस्थामा फेला परेका छन्।

इलामको चुलाचुली गाउँपालिका-२ हात्तिलेदा बस्ने ८४ वर्षीय रहिमान कुरुङफोङ सोही ठाउँस्थित मकै बारीमा बिहीबार मृत अवस्थामा फेला परेका छन्।

रौतहटको गरूडा नगरपालिका-८ स्थित चाँदी खोलामा वृन्दावन नगरपालिका-७ बस्ने सुरूज राय यादवको छोरा १४ वर्षीय कृष्ण प्रसाद यादव बिहीबार मृत अवस्थामा फेला परेका छन्।

कञ्चनपुरको दोधारा चाँदनी नगरपालिका-१ पुर्णागिरी टोलस्थित मलरिया नालामा सोही ठाउँ बस्ने ३५ वर्षीय प्रेम सुनार बिहीबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको छ।