काठमाडौं । अस्ट्रियाली प्रहरीका अनुसार ग्राट्ज शहरको एक विद्यालयमा भएको गोलीकाण्डका संदिग्ध २१ वर्षीय थिए।

अस्ट्रियाका गृहमन्त्री गेरहार्ड कार्नरले संदिग्ध व्यक्ति आक्रमण भएको विद्यालयको पूर्व विद्यार्थी भएको बताए।

प्रहरीले आक्रमणमा दुईवटा बन्दुक प्रयोग गरिएको बताएको छ, एउटा लामो बन्दुक र एउटा ह्यान्डगन।

यस घटनामा संदिग्ध सहित दश जनाको मृत्यु भएको छ। अधिकारीहरूले बताएअनुसार संदिग्धले स्कूलको बाथरूममा आत्महत्या गरेका छन् ।

यो आक्रमणको कारण अझै थाहा भएको छैन। प्रहरीले यसको अनुसन्धान गरिरहेको छ।

अस्ट्रियाका गृहमन्त्री गेरहार्ड कार्नरले आक्रमणमा १२ जना घाइते भएको बताएका छन्।

घटनापछि अस्ट्रियाका चान्सलर क्रिश्चियन स्टकरले अस्ट्रियामा तीन दिनको राष्ट्रिय शोकको घोषणा गरेका छन्।