काठमाडौं । अमेरिका र चीनबीचको व्यापार तनाव कम गर्ने बाटो स्पष्ट देखिएको छ । दुवै देश व्यापारको लागि एक रूपरेखा सिर्जना गर्न सहमत भएका छन्।

लन्डनमा दुई दिनको वार्तापछि दुवै देशका शीर्ष अधिकारीहरूले यो घोषणा गरेका हुन्। दुई देशबीच तय भएको योजनालाई अनुमोदनका लागि राष्ट्रपति डोनाल्ड ट्रम्प र सी जिनपिङकहाँ पठाइनेछ।

अमेरिकी वाणिज्य सचिव हावर्ड लुटनिकले यो सम्झौताले दुर्लभ खनिज र चुम्बकमाथिको प्रतिबन्ध अन्त्य गर्ने बताए।

चीनसँगको यस बैठकमा आधुनिक प्रविधिका लागि दुर्लभ खनिजहरूको मुद्दा शीर्ष स्थानमा थियो।

गत महिना अमेरिका र चीनबीच करसम्बन्धी अस्थायी सम्झौता भएको थियो तर त्यसपछि दुवै देशले एकअर्कालाई सम्झौता उल्लङ्घन गरेको आरोप लगाइरहेका छन्।

अमेरिकाले स्मार्टफोनदेखि विद्युतीय सवारी साधनसम्मको उत्पादनका लागि अत्यावश्यक दुर्लभ पृथ्वी धातु र चुम्बकको चीनबाट निर्यात सुस्त भएको बताएको छ।