काठमाडौं । आइतबार पश्चिमी इरानमा विस्फोटक पदार्थ निष्क्रिय पार्ने क्रममा भएको विस्फोटमा इरानी इस्लामिक रिभोलुसनरी गार्ड कोर्प्सका दुई सैनिकको मृत्यु भएको छ।

यो घटना इरानको लोरेस्तान प्रान्तको खोरमाबाद क्षेत्रमा भएको हो। यो त्यही क्षेत्र थियो जहाँ गत महिना इजरायलले आक्रमण गरेको थियो।

आईआरजीसी सम्बद्ध फार्स समाचार एजेन्सीले १२ दिने इरान-इजरायल युद्ध पछि सैनिकहरूले उक्त क्षेत्रमा रहेका विस्फोटक पदार्थहरू हटाउँदै गरेको बताएको छ।

इस्लामिक रिभोलुसनरी गार्ड्सले जारी गरेको विज्ञप्तिमा भनिएको छ – विस्फोट भएका विस्फोटकहरू इजरायलले चलाएको विस्फोटक पदार्थहरू मध्ये एक थिए।